Concertos a bordo

O Revenidas continúa abríndose ao mar! Nesta edición poderedes vivir unha experiencia marítima única en familia pola Ría de Arousa a bordo do Chasula, unha embarcación tradicional na que gozaredes de música ao vivo e dunha exclusiva degustación gastronómica de produtos 100% galegos. Neste Ano do Patrimonio da Deputación de Pontevedra, queremos poñer en valor e potenciar o noso patrimonio e a nosa cultura marítima nesta travesía con música a cargo de artistas como Xurxo Souto, Ugía Pedreira e Pierrot Rougier, Lydia Botana, O Leo i Arremecághona e Najla Shami.

Unha actividade perfecta para grandes e pequenos que contará con tres saídas o sábado 19 e outras tres o domingo 20 en diferentes quendas dunha duración aproximada de 2 horas.

Compartir
Share on Facebook21Tweet about this on TwitterShare on Google+0