actividades de valde baja

 

 

 

 

 

 

 

 

 

 

 

 

 

 

 

 

 

 

 

 

VENRES 19 TARDE

 

 

Click-Clowns. Mr. Loren e Bernardo, un inventor e o seu axudante, teñen un Taller Ambulante de Inventos ao Instante, pero como son algo aloucados sempre precisan de axuda para centrarse e rematar os seus inventos. A tolemia lévalles a presentar grandes números de maxia, como o da muller partida pero reconvertida en máquina. Estes entrañables científicos non son meigos e precisan da colaboración do público para solucionar os problemas que xorden no proceso creativo. Algunhos inventos son un tanto desastrosos e as acrobacias cos acompañan un tanto imposibles, pero o espectáculo está garantizado.

 

 

Najla

Najla Shami. Compositora e cantora de grande versatilidade, cunha ampla traxectoria no mundo da música e as artes. Unha das voces mestizas da Galiza. De pai palestino e nai galega, a mestura é o factor que define toda a súa carreira musical.

O jazz, funk, blues, música brasileira, galega, española ou as sonoridades orientais son ingredientes habituais no seu traballo e a súa voz adáptase a canda un deles con enorme naturalidade. Ven de publicar co guitarrista Héctor Lorenzo o disco de estudio Haikus (Inquedanzas Sonoras, 2011) coa formación Lobalú.

 

 

 

SÁBADO 20 TARDE

tropico

Trópico de Grelos é unha asociación cultural, formada por mozos e mozas de Santiago de Compostela, cunha inquedanza común: a percusión. Cos sons de tambores, timbales, platillos, xilófonos… percorren o mundo, promoven as culturas e fan gozar ao público.

Neste momento eles mesmos recoñecen que a súa mirada está posta principalmente en Brasil. O Samba, o Samba Reggae, a Bossa Nova ou o Candomblé brasileiros son algunhas das manifestacións musicais nos que se basean agora mesmo os nosos proxectos. Este grupo de percusionistas garanten a festa, a participación do público e bo rollo en calquera dos lugares aos que se achegan.

 

narf Fran Pérez, Narf. Compositor e intérprete que reparte a súa actividade entre o mundo da canción, a composición por encargo e o teatro.Publicou tres discos baixo nome artístico de NARF.

Narf é un dos artistas galegos que apostou decididamente pola unión lusófona para afondar nas nosas raíces e noutras culturás irmás coas que compartimos lingua.
Exemplo delo é o seu disco Aló Irmao, 2010, gravado en directo, en compañía do artista guineano, Manecas Costa , no teatro Principal de Santiago de Compostela. Foi un dos espectáculos máis aclamados do WOMEX 2009. Nesta ocasión poderemos gozar das súas propostas en solitario, pero con todo o poso das culturas e amizades que fixo no camiño estes últimos anos.